Laugavegur 25
101 Reykjavík
Iceland
info@thoka.is

Tel: (+354) 615-1834

Vefsíðugerð og vefhönnun: Dagný Lilja & Lou Jonker

SONNET OF DELIRIUM

UNA LORENZEN

4.október - 25.október 2012

Hlaða niður í PDF formi



ÞOKA kynnir í samstarfi við RIFF sýningu á verkum eftir Unu Lorenzen.

Sonnet of Delirium (2011) er rúmlega fjögurra mínútna löng tilraunakennd hryllingsmynd sem íslenska listakonan Una Lorenzen teiknaði. Myndin er byggð á sögu íranska listamannsins Majeed Beenteha en hann hafði fyrst samband við Unu í janúar 2011. Nokkrum mánuðum síðar bættist hljóð hönnuðurinn Kari Rae Seekins í lið með þeim. Það sem átti upphaflega að vera lítið verkefni vatt upp á sig og næstu níu mánuði vann Una að því að byggja sjónrænan heim sem mundi vekja þessa hrollvekjandi sögu til lífsins. Úr varð mynd búin til með handteiknuðum klippimyndum og kolateikningum sem voru unnar ramma fyrir ramma.

Myndin fjallar um baráttu konu við þjáningarfullar minningar sem hafa dregið hana niður í þunglyndi. Kvöld eitt stendur hún frammi fyrir óhugnalegri veru sem framkallar hjá henni ofsahræðslu. En er þessi vera hugarburður eða raunveruleiki?

Auk stuttmyndarinnar er sýning á kolateikningum Unu sem notaðar voru við gerð myndarinnar.

Una Lorenzen (f. 1981) er hreyfimyndasmiður sem býr og starfar í Montréal, Canada. Hún lauk BA námi í grafískri hönnun frá Listaháskóla Íslands árið 2003 og útskrifaðist með MFA gráðu í tilraunakenndri hreyfimyndagerð frá California Institute of the Arts árið 2009. Una hefur unnið ýmis verkefni á Íslandi og erlendis eins og stuttmyndir, tónlistamyndbönd og gert myndrænt efni fyrir sögur og námsefni.

Una Lorenzen: www.this.is/una
Majeed Beenteha: www.beenteha.com
Kari Rae Seekins : www.kariraeseekins.com