Laugavegur 25
101 Reykjavík
Iceland
info@thoka.is

Tel: (+354) 615-1834

Vefsíðugerð og vefhönnun: Dagný Lilja & Lou Jonker

Fráhvörf

Halldór ragnarsson

2.nóvember - 6.desember 2012

Hlaða niður í PDF formi



Halldór Ragnarsson veltir orðinu “fráhvörf” fyrir sér í samnefndri sýningu hans sem opnar í ÞOKU föstudaginn 2. Nóvember.

“Eitt er á hreinu: fráhvörf eru allskonar og upplifun einstaklinga af þeim koma í hinum ýmsu myndum; og þau þurfa ekkert endilega að tengjast fíkn. Í hinum byggða heimi er það oftast viðtekinn sáttmáli, ef svo má segja, að fráhvörf séu af hinu illa. En að mínum dómi þurfa þau ekki endilega að vera það. Ef við rýnum betur í sjálft hugtakið ,,fráhvarf/hvörf”, þá þýðir það bókstaflega að hverfa frá einhverju; aðskilnaði og/eða missi. Barnæskan, ástarsambönd og gærdagurinn almennt; alveg eins og hvað annað, getur skilað sér í fráhvörfum. Vissulega getur einstaklingum liðið illa út af einhverju sem þeir hafa misst, en það er til eitthvað allt annað, sem getur glatt hjörtu einstaklinga við missi”.

Sýningin samanstendur af málverkum, veggverki og textaverkum sem byggjast á þremur þemum út frá fráhvörfum: hversdeginum, íslensku kvenfólki og barnæskunni almennt. Krakkar á aldrinum 6-9 ára, vopnuð tússpennum, fengu ákveðið svæði á veggjum sýningarrýmisins til að tjá sig frjálslega. Með þessu móti fékk Halldór hjálp frá þeim við að túlka sanna bernsku.

Halldór Ragnarsson (f. 1981) býr og starfar í Reykjavík. Hann lærði heimspeki í Háskóla Íslands og lauk B.A. námi í myndlist frá Listaháskóla Íslands árið 2007. Þar stundar hann nú M.A. nám í myndlist. Halldór hefur haldið fjölda einkasýninga hér á landi og erlendis og einnig tekið þátt í þónokkrum samsýningum. Ásamt því að stunda myndlist er Halldór hluti af hljómsveitunum Seabear og Mr. Silla.

www.hragnarsson.com
mariomuskat@hotmail.com

Unga listafólkið sem setti svip á veggina eru úr Austurbæjarskóla og heita: Alexander, Flóki, Anna Sigríður, Herdís, Hrafnhildur, Matthea, Una Níls, Úlfur Bjarni, Hinrik, Ingibjörg Unnur, Jóhanna, Teresa, Alexander Þórisson, Guðbergur, Ísabella Ronja, Sara Kamban, Snorri, Úlfhildur, Iðunn Gróa, Elín Björt, Nadalía og Jóhann.