Laugavegur 25
101 Reykjavík
Iceland
info@thoka.is

Tel: (+354) 615-1834

Vefsíðugerð og vefhönnun: Dagný Lilja & Lou Jonker

Athöfn

ÞORVALDUR JÓNSSON

11.janúar - 16.febrúar 2013

Hlaða niður í PDF formi



Margskonar athafnir eru Þorvaldi ofarlega í huga á þessari sýningu. Það eru ýmist trúarlegar athafnir, íþróttaviðburðir, manndómsvígslur og aðrar oft táknrænar hegðanir sem framkvæmdar eru eftir ákveðinni reglu í hinum ýmsu samfélögum.

Sýningin samanstendur af litríkum teikningum og einum skúlptúr. Hver teikning sýnir nokkur augnablik úr mismunandi athöfnum sem valdar eru saman af handahófi. Innblástur fyrir skúlptúrinn er sóttur í manndómsvígsluathöfn sem fer fram árlega í Pentecost eyjum í Vanatu.

Þorvaldur Jónsson (f. 1984) lauk B.A. námi í myndlist frá Listaháskóla Íslands árið 2009. Hann hefur haldið fjórar einkasýningar auk fjölda samsýninga á Íslandi og erlendis. Hann sækir gjarnan Innblástur fyrir verk sín til náttúrunnar og málverk hans endurskapa draumkenndar senur eða hálfgerðar sögur sem ganga helst út á að skapa ákveðna stemningu og sögusvið; útópíska veröld fulla af náttúrurómantík sem á sama tíma hefur alvarlegan og oftar en ekki drungalegan undirtón.